Шундый кыяфәттә чыгыш ясарга туры килде

Артист тормышында нинди генә вакыйгалар тумый. Еш кына алар кызыклы, юмористик характерда була. Шуларның берсе белән Диләрә Илалетдинова да уртаклашты. "Бер концертта, вакыт калмау сәбәпле, бер күземне буямыйча, сәхнәгә чыкканым булды. Шундый кыяфәттә җырымны башкарырга туры килде. Ә берсендә түфли үкчәсе сәхнә идәненең тишегенә эләгеп калды. Җыр буе шуны алырга тырышып, бер урында катып тордым” дип көлеп сөйләде ул.