Ильназ Баһ белән Гүзәл Идрисова өч ул белән тормыш турында сөйләде

Ильназ Баһ белән Гүзәл Идрисованың кавышуына инде ун ел була. Җырчылар гаиләсендә өч ир бала үсә. "Әлбәттә, өч малай арасында конкуренция була. Уенчык өчен талашалар, кайвакыт сугышып та алалар. Шунсына шатланабыз: өчесе дә музыка уен кораллары белән кызыксыналар. Хәзер телефон, интернет заманасы бит, кечкенәдән үк балаларны бу "чирдән" сакларга тырышабыз. Планшет, телефонны сирәк кенә кулларына бирәбез", - дип сөйләделәр алар.