Рамил Айметдиновны подписчиклары нидә гаепли?

Эстрадабызның яшь, популярлык яулый баручы җырчы Рамил Айметдинов еш кына Инстаграмда мәчеттә төшкән фотоларын куя. Сторизга исә ул мулланың вәгазь укуларын да, намаз уку вакытында төшерелгән видеоларны да урнаштыра.

Баксаң, подписчикларның кайберләренә бу ошамый икән.

“Нигә аны кеше күрсәтәсең?”, “Мәчеткә баруың белән мактанасың мени?”, “Диндә булуыңны ник шулай күрсәтәсең?” кебек сораулар яудыралар икән.

Рамильнең исә моңа үз җавабы бар! “Мәчеткә мин үзем өчем йөрим. Мактану түгел бу. Әмма миннән күреп, бәлки башка яшьләр дә мәчеткә йөри башлар дигән уй бар”, ди яшь җырчыбыз.