Рифат Зарипов: “Көненә бер тапкыр гына ашыйм”

“17 яшемдә Казанга килгәндә 56 килограмм идем, хәзер дә шулай. Бернинди диета да тотмыйм, искә төшкәндә генә ашыйм. Күп вакытым концерт турындагы уйланулар белән уза, алдан борчыла торган гадәтем бар. “Өйләнгәч тазарырсың” дигән кешеләр бар иде, ашамыйча ничек тазарасың инде. Хатыным Диләрә дә гел ашамыйсың дип орыша. Мин ашамыйча, су эчеп кенә дә яшәп була дип уйлыйм. Бернинди ризыкка да исем китми, сөтле чәй яисә йогурт булса, шул җитә”, −дип сөйли Рифат Зарипов.