Ризат Рамазанов: “Кешене чәйнәмәгәч, “высокомерный” дип әйтә башладылар безне...”

ТМТВ каналында чыгучы “Сер булып калсын” тапшыруында кунак Ризат Рамазанов күңел түрендә йөрткән менә шундый сере белән бүлеште.

“Җыелма концертларга килгәч тә, Зинира күбрәк безнең белән, үзебезнең төркем егетләре белән аралаша. Чөнки анда башка артистлар әле берсен, әле берсен “сөйли”, - ди Ризат. Шуңа да без Зинира белән чыгышыбыздан соң шундук кайтып китә торган булырбыз дип килештек.
Әмма бу да башкаларга ошамый икән! Башкаларны сөйләшмәгәч, чәйнәмәгәч, безне “высокомерный” дип әйтәләр икән”, дип сөйләде Ризат Рамазанов.