Раяз Фасихов: “Минем белән яшәве авыр”

Раяз Фасыйхов татар эстрадасында романтик җырчы буларак танылган. Тормышта да ул шундый романтикмы?
“Мин тормышта да романтик кеше, хатыныма сюрпризлар ясарга тырышам, көн саен мәхәббәтемне белдерәм. Тик гел елмаешып, җырлашып кына да яшәмибез. Мин бик тиз кызып китә торган кеше, юктан да психланып бетәм. Иҗат кешесе буларак, һавада очып йөргән чакларым да була. Минем белән яшәве авыр. Йорт мәшакәтләре, балаларны түгәрәкләргә йөртү, тәрбияләү, өстәвенә мине дә карау тормыш иптәшем өстенә төшә”,− дип сөйләде Раяз Фасыйхов.