Әбри Хәбриев ни сәбәпле мәктәпкә ике тапкыр укырга кергән булган?

Әбри Хәбриев мәктәпкә укырга ике тапкыр кергән. “ Алты яшемдә укырга кердем. Әнием башлангыч класс укытучысы иде, аның классына эләктем. Мин аны укытучы дип түгел, әни буларак кабул иттем. Дәрес вакытында рәхәтләнеп класс буйлап йөрдем, шкафлар актарып, уенчыклар белән уйнадым. Әни түзмәде, бер атнадан соң мине балалар бакчасына озатты. Икенче елга кабат мәктәпкә кердем”, ‒дип сөйләде ул.

Автор: Йолдыз Гибадуллина